apni hi aag mein jalna kya hai sham-e-mahfil ban ke jalen
apni hi aag mein jalna kya hai sham-e-mahfil ban ke jalen
Payam Fatehpuri
MORE BYPayam Fatehpuri
apnī hī aag meñ jalnā kyā hai sham-e-mahfil ban ke jaleñ
jab chalnā hī muqaddar Thahrā mazlūmoñ ke saath chaleñ
mahloñ kī qindīl bane to ziist kā hāsil kuchh bhī nahīñ
ban jaa.eñ miTTī kā diyā aur muflis ke āñgan meñ jaleñ
ro-ro kar ye jiinā kaisā hañstā chehra hañstī ziist
rang nikhāreñ ruup sañvāreñ ḳhūn-e-dil hī ruḳh pe maleñ
shā.ir ban kar shahroñ shahroñ phirte rahnā hai be-sūd
jiinā hai gumnām ji.eñ kyoñ shohrat ke sāñche meñ Dhaleñ
jīvan hai ye dukh kā rasta tum bhī tanhā ham bhī tanhā
aao haath se haath milā kar rāh-e-vafā meñ saath chaleñ
apni hi aag mein jalna kya hai sham-e-mahfil ban ke jalen
jab chalna hi muqaddar Thahra mazlumon ke sath chalen
mahlon ki qindil bane to zist ka hasil kuchh bhi nahin
ban jaen miTTi ka diya aur muflis ke aangan mein jalen
ro-ro kar ye jina kaisa hansta chehra hansti zist
rang nikhaaren rup sanwaren KHun-e-dil hi ruKH pe malen
shair ban kar shahron shahron phirte rahna hai be-sud
jina hai gumnam jien kyon shohrat ke sanche mein Dhalen
jiwan hai ye dukh ka rasta tum bhi tanha hum bhi tanha
aao hath se hath mila kar rah-e-wafa mein sath chalen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
