apni hi rahon ka patthar ho gae

apnī hī rāhoñ kā patthar ho ga.e

ham bhī kyā ahl-e-muqaddar ho ga.e

ham nahīñ ban paa.e hargiz āftāb

Dūbte tāroñ kā manzar ho ga.e

lauT pā.eñge kisī sūrat na vo

apne ghar se hī jo be-ghar ho ga.e

bik rahe the misr ke bāzār meñ

ham magar saste mayassar ho ga.e

zindagī le aa.ī ye kis moḌ par

ham sarāsar ġham kā paikar ho ga.e

apni hi rahon ka patthar ho gae

hum bhi kya ahl-e-muqaddar ho gae

hum nahin ban pae hargiz aaftab

Dubte taron ka manzar ho gae

lauT paenge kisi surat na wo

apne ghar se hi jo be-ghar ho gae

bik rahe the misr ke bazar mein

hum magar saste mayassar ho gae

zindagi le aai ye kis moD par

hum sarasar gham ka paikar ho gae