apni jannat mujhe dikhla na saka tu waiz

Fani Badayuni

apni jannat mujhe dikhla na saka tu waiz

Fani Badayuni

MORE BYFani Badayuni

    apnī jannat mujhe dikhlā na sakā vaa.iz

    kūcha-e-yār meñ chal dekh le jannat merī

    saarī duniyā se anokhī hai zamāne se judā

    nemat-e-ḳhās hai allāh re qismat merī

    shikva-e-hijr pe sar kaaT ke farmāte haiñ

    phir karoge kabhī is muñh se shikāyat merī

    terī qudrat nazāra hai mirā ijz gunāh

    terī rahmat ishāra hai nidāmat merī

    lo tabassum bhī sharīk-e-nigah-e-nāz huā

    aaj kuchh aur baḌhā ga.ī qīmat merī

    faiz yak lamha-e-dīdār salāmat 'fānī'

    ġham ki har roz hai baḌhtī huī daulat merī

    apni jannat mujhe dikhla na saka tu waiz

    kucha-e-yar mein chal dekh le jannat meri

    sari duniya se anokhi hai zamane se juda

    nemat-e-KHas hai allah re qismat meri

    shikwa-e-hijr pe sar kaT ke farmate hain

    phir karoge kabhi is munh se shikayat meri

    teri qudrat ka nazara hai mera ijz gunah

    teri rahmat ka ishaara hai nidamat meri

    lo tabassum bhi sharik-e-nigah-e-naz hua

    aaj kuchh aur baDha di gai qimat meri

    faiz yak lamha-e-didar salamat 'fani'

    gham ki har roz hai baDhti hui daulat meri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY