apni KHatir sitam ijad bhi hum karte hain

apnī ḳhātir sitam ījād bhī ham karte haiñ

aur phir nāla-o-fariyād bhī ham karte haiñ

ek duniyā mirī ābād hai jin se vahī ḳhvāb

kabhī paspā kabhī barbād bhī ham karte haiñ

ḳhāna-e-jism meñ hañgāma machā rakkhā hai

le mirī jaañ tujhe āzād bhī ham karte haiñ

apne ahbāb pe karte haiñ dil o jaan nisār

aur aksar unheñ nā-shād bhī ham karte haiñ

ranj-e-ulfat ke sivā ai dil-e-nādān batā

thā koī ranj jise yaad bhī ham karte haiñ

aur bhī log haiñ is kār-e-ziyāñ meñ ham-rāh

so in ash.ār ko irshād bhī ham karte haiñ

apni KHatir sitam ijad bhi hum karte hain

aur phir nala-o-fariyaad bhi hum karte hain

ek duniya meri aabaad hai jin se wahi KHwab

kabhi paspa kabhi barbaad bhi hum karte hain

KHana-e-jism mein hangama macha rakkha hai

le meri jaan tujhe aazad bhi hum karte hain

apne ahbab pe karte hain dil o jaan nisar

aur aksar unhen na-shad bhi hum karte hain

ranj-e-ulfat ke siwa ai dil-e-nadan bata

tha koi ranj jise yaad bhi hum karte hain

aur bhi log hain is kar-e-ziyan mein ham-rah

so in ashaar ko irshad bhi hum karte hain