apni KHabar nahin hai ba-juz is qadar mujhe

apnī ḳhabar nahīñ hai ba-juz is qadar mujhe

ik shaḳhs thā ki mil na sakā umr-bhar mujhe

sho.aloñ kī guftugū meñ sabā ke ḳhirām meñ

āvāz de rahā hai koī ham-safar mujhe

shāyad unhīñ kā ijz mire kaam aa gayā

jin dostoñ ne chhoḌ diyā vaqt par mujhe

shab ko to ek qāfila-e-gul thā saath saath

yārab ye kis maqām pe aa.ī sahar mujhe

hañste rahe falak pe sitāre zamīñ pe phuul

achchhā huā ki umr milī muḳhtasar mujhe

muddat ke ba.ad us ne sar-e-anjuman 'zamīr'

dekhā nigāh-e-ām se aur ḳhaas kar mujhe

apni KHabar nahin hai ba-juz is qadar mujhe

ek shaKHs tha ki mil na saka umr-bhar mujhe

shoalon ki guftugu mein saba ke KHiram mein

aawaz de raha hai koi ham-safar mujhe

shayad unhin ka ijz mere kaam aa gaya

jin doston ne chhoD diya waqt par mujhe

shab ko to ek qafila-e-gul tha sath sath

yarab ye kis maqam pe aai sahar mujhe

hanste rahe falak pe sitare zamin pe phul

achchha hua ki umr mili muKHtasar mujhe

muddat ke baad us ne sar-e-anjuman 'zamir'

dekha nigah-e-am se aur KHas kar mujhe