apni lai mein gana mushkil

apnī lai meñ gaanā mushkil

dil ko ye samjhānā mushkil

dhuup jaḌoñ tak kaise aa.e

pattoñ par lahrānā mushkil

merī ik tasvīr Tañgī hai

paar samundar jaanā mushkil

chaḌhtī sāñseñ Dūbtā dariyā

lahroñ kā lahrānā mushkil

barg-o-shajar sab ḳhuun se lat pat

manzar ye jhuTlānā mushkil

sāmne apne maiñ bhī khaḌā huuñ

mujh ko gher ke laanā mushkil

chaal hai gahrī varna dil ko

aise bhuul ke jaanā mushkil

raat kā hai vo jāgne vaalā

sub.h savere aanā mushkil

māhir hai vo harf-o-sadā kā

bātoñ meñ uljhānā mushkil

tum se bichhaḌ kar kyā kuchh biitī

ye sab hai dohrānā mushkil

us kī galī kā haal na pūchho

ab to aanā jaanā mushkil

maujoñ kī dīvār khaḌī hai

biich bhañvar meñ jaanā mushkil

us kī kahānī kis se kahiye

'ajmal' kā afsāna mushkil

apni lai mein gana mushkil

dil ko ye samjhana mushkil

dhup jaDon tak kaise aae

patton par lahrana mushkil

meri ek taswir Tangi hai

par samundar jaana mushkil

chaDhti sansen Dubta dariya

lahron ka lahrana mushkil

barg-o-shajar sab KHun se lat pat

manzar ye jhuTlana mushkil

samne apne main bhi khaDa hun

mujh ko gher ke lana mushkil

chaal hai gahri warna dil ko

aise bhul ke jaana mushkil

raat ka hai wo jagne wala

subh sawere aana mushkil

mahir hai wo harf-o-sada ka

baaton mein uljhana mushkil

tum se bichhaD kar kya kuchh biti

ye sab hai dohrana mushkil

us ki gali ka haal na puchho

ab to aana jaana mushkil

maujon ki diwar khaDi hai

bich bhanwar mein jaana mushkil

us ki kahani kis se kahiye

'ajmal' ka afsana mushkil