apni mohabbaton ka ye achchha sila mila

apnī mohabbatoñ kā ye achchhā sila milā

jo bhī milā mujhe vo mujhī se ḳhafā milā

tujh se bichhaḌ ke bhī maiñ na tujh se bichhaḌ sakā

jis raah par gayā maiñ tirā naqsh-e-pā milā

ahl-e-karam kī bhiiḌ se guzrī hai zindagī

tujh sā magar koī na karam-āshnā milā

duniyā jafā-shi.ār rahī hai ye sach sahī

ai rah-navard rāh-e-vafā tujh ko kyā milā

is ko quyūd-e-aql ne dīvāna kar diyā

bāhar milā mujhe to vo achchhā-bhalā milā

ḳhushiyāñ milīñ to aañkh jhapakne kī der tak

ġham jo milā mujhe vo bahut der-pā milā

is muḳhtasar hayāt meñ kis kis ko roiye

har marhala hayāt kā sabr-āzmā milā

nādīda ik kashish hai nahīñ jis kā koī naam

dil se nigāh tak ik ajab silsila milā

be-e'tinā.iyoñ se milī tāb-e-zabt-e-ġham

terī navāzishoñ se mujhe hausla milā

terā karam hai terī ināyat hai ai junūñ

maiñ jis ko DhūñDhtā thā mujhī meñ chhupā milā

'qādir' bahut nihāl hai apnī shikast par

baazī lagā.ī dil kī to us kā maza milā

apni mohabbaton ka ye achchha sila mila

jo bhi mila mujhe wo mujhi se KHafa mila

tujh se bichhaD ke bhi main na tujh se bichhaD saka

jis rah par gaya main tera naqsh-e-pa mila

ahl-e-karam ki bhiD se guzri hai zindagi

tujh sa magar koi na karam-ashna mila

duniya jafa-shiar rahi hai ye sach sahi

ai rah-naward rah-e-wafa tujh ko kya mila

is ko quyud-e-aql ne diwana kar diya

bahar mila mujhe to wo achchha-bhala mila

KHushiyan milin to aankh jhapakne ki der tak

gham jo mila mujhe wo bahut der-pa mila

is muKHtasar hayat mein kis kis ko roiye

har marhala hayat ka sabr-azma mila

nadida ek kashish hai nahin jis ka koi nam

dil se nigah tak ek ajab silsila mila

be-e'tinaiyon se mili tab-e-zabt-e-gham

teri nawazishon se mujhe hausla mila

tera karam hai teri inayat hai ai junun

main jis ko DhunDhta tha mujhi mein chhupa mila

'qadir' bahut nihaal hai apni shikast par

bazi lagai dil ki to us ka maza mila