apni nazar mein bhi to wo apna nahin raha

apnī nazar meñ bhī to vo apnā nahīñ rahā

chehre pe aadmī ke hai chehra chaḌhā huā

manzar thā aañkh bhī thī tamannā-e-dīd bhī

lekin kisī ne diid pe pahra biThā diyā

aisā kareñ ki saarā samundar uchhal paḌe

kab tak yuuñ sat.h-e-āb pe dekheñge bulbula

barsoñ se ik makān meñ rahte haiñ saath saath

lekin hamāre biich zamānoñ kā fāsla

majma.a thā DugDugī thī madārī bhī thā magar

hairat hai phir bhī koī tamāshā nahīñ huā

āñkheñ bujhī bujhī sī haiñ baazū thake thake

aise meñ koī tiir chalāne kā fā.eda

vo be-kasī ki aañkh khulī thī mirī magar

zauq-e-nazar pe jabr ne pahra biThā diyā

apni nazar mein bhi to wo apna nahin raha

chehre pe aadmi ke hai chehra chaDha hua

manzar tha aankh bhi thi tamanna-e-did bhi

lekin kisi ne did pe pahra biTha diya

aisa karen ki sara samundar uchhal paDe

kab tak yun sath-e-ab pe dekhenge bulbula

barson se ek makan mein rahte hain sath sath

lekin hamare bich zamanon ka fasla

majma tha DugDugi thi madari bhi tha magar

hairat hai phir bhi koi tamasha nahin hua

aankhen bujhi bujhi si hain bazu thake thake

aise mein koi tir chalane ka faeda

wo be-kasi ki aankh khuli thi meri magar

zauq-e-nazar pe jabr ne pahra biTha diya