apni rangin koi sham nahin kar sakta

apnī rangīn koī shaam nahīñ kar saktā

chhoḌ kar maiñ tujhe ārām nahīñ kar saktā

maiñ ne ik umr gañvā dī hai ġhazal kahne meñ

mere jaisā to koī kaam nahīñ kar saktā

terī āñkhoñ kā liyā kartā huuñ bosa har din

mujh ko mad.hosh koī jaam nahīñ kar saktā

ishq ko aap ibādat kī nazar se dekho

ishq insān ko gumnām nahīñ kar saktā

ḳhud ko barbād kiyā maiñ ne ḳhatā hai merī

maiñ tire sar koī ilzām nahīñ kar saktā

maiñ ne hāthoñ pe tirā naam nahīñ likkhā hai

maiñ tire naam ko badnām nahīñ kar saktā

merā dil mere liye ka.aba-o-kāshī hai 'dil'

maiñ ye jāgīr tire naam nahīñ kar saktā

apni rangin koi sham nahin kar sakta

chhoD kar main tujhe aaram nahin kar sakta

main ne ek umr ganwa di hai ghazal kahne mein

mere jaisa to koi kaam nahin kar sakta

teri aankhon ka liya karta hun bosa har din

mujh ko madhosh koi jam nahin kar sakta

ishq ko aap ibaadat ki nazar se dekho

ishq insan ko gumnam nahin kar sakta

KHud ko barbaad kiya main ne KHata hai meri

main tere sar koi ilzam nahin kar sakta

main ne hathon pe tera nam nahin likkha hai

main tere nam ko badnam nahin kar sakta

mera dil mere liye kaba-o-kashi hai 'dil'

main ye jagir tere nam nahin kar sakta