اپنی روداد یوں بیاں ہو جائے
اپنی روداد یوں بیاں ہو جائے
اک پتنگا جلے دھواں ہو جائے
خاک مل جائے خاک میں میری
یا ستاروں میں ضو فشاں ہو جائے
اس کی صورت پہ تبصرہ کیسا
آئنہ جس سے بد گماں ہو جائے
یہ جہاں خواب ہے مگر ایسا
آنکھ موندیں تو رائیگاں ہو جائے
اپنی رسوائیاں مجھے منظور
تو اگر میرا راز داں ہو جائے
میری بے تابیاں بیان ہوئیں
اب ترے ضبط کا بیاں ہو جائے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
