apni tajalliyon se mamur ho gae hum

apnī tajalliyoñ se māmūr ho ga.e ham

yā ḳhāk-e-rahguzar the yā tuur ho ga.e ham

yāroñ kī tishna-kāmī zindāñ meñ yaad aa.ī

saaqī se jaam le kar ranjūr ho ga.e ham

ham aur jā ke zulf-e-ayyām se ulajhte

ai kākul-e-pareshāñ majbūr ho ga.e ham

yāroñ ne dushmanī kī ham ne ḳhulūs bartā

kuchh duur ho ga.e vo kuchh duur ho ga.e ham

mahfil meñ āḳhir-e-shab ik baat kī kamī thī

vo baat ham ne kah dī mansūr ho ga.e ham

apni tajalliyon se mamur ho gae hum

ya KHak-e-rahguzar the ya tur ho gae hum

yaron ki tishna-kaami zindan mein yaad aai

saqi se jam le kar ranjur ho gae hum

hum aur ja ke zulf-e-ayyam se ulajhte

ai kakul-e-pareshan majbur ho gae hum

yaron ne dushmani ki hum ne KHulus barta

kuchh dur ho gae wo kuchh dur ho gae hum

mahfil mein aaKHir-e-shab ek baat ki kami thi

wo baat hum ne kah di mansur ho gae hum