اپنی تنہائی زندگی کر لی
اپنی تنہائی زندگی کر لی
ضبط چھلکا تو شاعری کر لی
رنگ میں ڈھلتے ہوئے ترے میں نے
شکل تک اپنی سانولی کر لی
رات بھر آسمان میں بھٹکا
چاند نے صبح خودکشی کر لی
جب زباں والے بے وفا نکلے
بے زبانوں سے دوستی کر لی
تو مرے حاصلوں میں ہے تو نہیں
پھر بھی خواہش کبھی کبھی کر لی
پھر کیا عشق اور پھر پوری
جو کسر تھی رہی سہی کر لی
کچھ نے چن لی غزل کی مشکل راہ
کچھ نے گھبرا کے نوکری کر لی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
