apni tanhaiyon ke ghaar mein hun

apnī tanhā.iyoñ ke ġhaar meñ huuñ

aisā lagtā hai maiñ mazār meñ huuñ

tū ne pūchhā kabhī na haal mirā

muddatoñ se tire dayār meñ huuñ

terī ḳhushbū hai merī sāñsoñ meñ

jab se maiñ terī rahguzār meñ huuñ

mujh pe apnā hai iḳhtiyār kahāñ

maiñ to bas tere iḳhtiyār meñ huuñ

mujh ko manzil se āshnā kar de

maiñ tirī raah ke ġhubār meñ huuñ

jab se terī nigāh-e-lutf uThī

chāñd tāroñ kī maiñ qatār meñ huuñ

mujh ko duniyā se kyā ġharaz 'afzal'

maiñ to Duubā ḳhayāl-e-yār meñ huuñ

apni tanhaiyon ke ghaar mein hun

aisa lagta hai main mazar mein hun

tu ne puchha kabhi na haal mera

muddaton se tere dayar mein hun

teri KHushbu hai meri sanson mein

jab se main teri rahguzar mein hun

mujh pe apna hai iKHtiyar kahan

main to bas tere iKHtiyar mein hun

mujh ko manzil se aashna kar de

main teri rah ke ghubar mein hun

jab se teri nigah-e-lutf uThi

chand taron ki main qatar mein hun

mujh ko duniya se kya gharaz 'afzal'

main to Duba KHayal-e-yar mein hun