apni wahshat ki suno izn-o-ijazat pe na jao

apnī vahshat kī suno izn-o-ijāzat pe na jaao

daar par jaao magar auroñ kī dā'vat pe na jaao

kitne hī dasht-o-daman mujh meñ paḌe phirte haiñ

sāhibo kohkan-o-qais kī shohrat pe na jaao

laakh raas aa.e magar kaam hai nādānī kā

tum mire mā-hasal-e-kār-e-mohabbat pe na jaao

zarf-e-mun'im se baḌā hai mirā dāmān-e-talab

apnī zar-muhreñ gino merī zarūrat pe na jaao

aur ik jast meñ dīvār se Takrā.egā sar

qaid phir qaid hai zanjīr kī vus'at pe na jaao

hū ke sahrāoñ meñ un logoñ kī yaad aatī hai

ham se ghar meñ bhī jo kahte the khulī chhat pe na jaao

apni wahshat ki suno izn-o-ijazat pe na jao

dar par jao magar auron ki da'wat pe na jao

kitne hi dasht-o-daman mujh mein paDe phirte hain

sahibo kohkan-o-qais ki shohrat pe na jao

lakh ras aae magar kaam hai nadani ka

tum mere ma-hasal-e-kar-e-mohabbat pe na jao

zarf-e-mun'im se baDa hai mera daman-e-talab

apni zar-muhren gino meri zarurat pe na jao

aur ek jast mein diwar se Takraega sar

qaid phir qaid hai zanjir ki wus'at pe na jao

hu ke sahraon mein un logon ki yaad aati hai

hum se ghar mein bhi jo kahte the khuli chhat pe na jao