اپنوں کا دل توڑ کے بابا
اپنوں کا دل توڑ کے بابا
کیوں آئے گھر چھوڑ کے بابا
پیسہ پیسہ مانگ رہے ہو
پیسے سے منہ موڑ کے بابا
کیا ڈھونڈا تھا کیا پایا ہے
اپنا آپ نچوڑ کے بابا
کس سے رشتہ جوڑ رہے ہو
سب سے رشتہ توڑ کے بابا
جگ میں جن کے کارن آئے
کیا پایا انہیں چھوڑ کے بابا
دھاگا توڑ کے دیکھ لیا ہے
دیکھو پھر اسے جوڑ کے بابا
جس تنہائی کے ہو عاشق
وہ نہ ملے منہ موڑ کے بابا
یہ جگ ہے پتھر کی کلائی
دیکھو اس کو مروڑ کے بابا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
