اپنوں سے کچھ امید بھروسا نہ یار کا

اپنوں سے کچھ امید بھروسا نہ یار کا

باجی جو آسرا ہے تو پروردگار کا

لیتی نہ نام میں تو کبھی ایسے یار کا

پر کیا کروں یہ دل ہی نہیں اختیار کا

مچھلی پھنسانے جاتے ہیں دریا پہ روز وہ

چھٹتا نہیں ہے پنڈ اس اندھے شکار کا

جوبن ڈھلے ضعیف ہوئی اب کہاں وہ حسن

آئی خزاں گیا وہ زمانہ بہار کا

آدھا بدن تو یوں ہی کھلا رہتا ہے ترا

آیا نہ باندھنا گمہو اب تک ازار کا

جھنڈا گڑا تھا نام کا جن کے جہان میں

باقی نہیں نشان بھی ان کے مزار کا

شیداؔ کے گھر تو جانے کو بیٹھی ہوں کیا کروں

ڈولی کا ہے پتا نہ پتا ہے کہار کا