apnon se shikayat hai na ghairon se gila hai

apnoñ se shikāyat hai na ġhairoñ se gilā hai

pahuñchegā jo qismat meñ ġham-o-rañj likhā hai

kis kī nigah-e-shauq hai mushtāq-e-tajallī

kyoñ jalva-e-paiham meñ vo nāmūs-e-hayā hai

girtā to huuñ saaqī ke qadam par nahīñ mālūm

ye sajda-e-rindāna hai yā laġhzish-e-pā hai

bachte nahīñ dekhā kabhī majrūh-e-mohabbat

yārab nigah-e-nāz hai yā tīr-e-qazā hai

vo shoḳh sitam-kesh to nāseh hai jafā-kosh

bīmār-e-mohabbat kā madad-gār ḳhudā hai

marne kā nahīñ ġham mujhe miTne kā nahīñ rañj

kuchh pās-e-mohabbat hai kuchh andoh-e-vafā hai

ye sādgi-e-husn hai yā nāz-e-taġhāful

dīvāne se kahte haiñ ki dīvāna huā hai

apnon se shikayat hai na ghairon se gila hai

pahunchega jo qismat mein gham-o-ranj likha hai

kis ki nigah-e-shauq hai mushtaq-e-tajalli

kyon jalwa-e-paiham mein wo namus-e-haya hai

girta to hun saqi ke qadam par nahin malum

ye sajda-e-rindana hai ya laghzish-e-pa hai

bachte nahin dekha kabhi majruh-e-mohabbat

yarab nigah-e-naz hai ya tir-e-qaza hai

wo shoKH sitam-kesh to naseh hai jafa-kosh

bimar-e-mohabbat ka madad-gar KHuda hai

marne ka nahin gham mujhe miTne ka nahin ranj

kuchh pas-e-mohabbat hai kuchh andoh-e-wafa hai

ye sadgi-e-husn hai ya naz-e-taghaful

diwane se kahte hain ki diwana hua hai