aql daKHil ho gai hai wahm ke maidan mein

aql dāḳhil ho ga.ī hai vahm ke maidān meñ

āsmāñ baanī bhī hai ab halqa-e-imkān meñ

aql-o-dil kā sāmnā thā dīda-e-hairān meñ

maiñ khaḌā sāhil pe thā vo halqa-e-tūfān meñ

ḳhuld se duniyā meñ aate dam kahāñ ma.alūm thā

ranj-o-ġham so bāñdh rakkhe haiñ mire sāmān meñ

dhuñd chhaT jā.egī vaa.iz chaar din meñ dekhnā

Duub jā.eñge tire qisse mire elaan meñ

kufr aur ilhād kī nā-ḳhūbiyoñ kī bhiiḌ meñ

koī ḳhūbī bhī to hogī chiin meñ jāpān meñ

maiñ hujūm-e-ġham meñ martā thā na jiitā thā 'sa.īd'

vo nazar aa.e to chande jaan aa.ī jaan meñ

aql daKHil ho gai hai wahm ke maidan mein

aasman bani bhi hai ab halqa-e-imkan mein

aql-o-dil ka samna tha dida-e-hairan mein

main khaDa sahil pe tha wo halqa-e-tufan mein

KHuld se duniya mein aate dam kahan malum tha

ranj-o-gham so bandh rakkhe hain mere saman mein

dhund chhaT jaegi waiz chaar din mein dekhna

Dub jaenge tere qisse mere elan mein

kufr aur ilhad ki na-KHubiyon ki bhiD mein

koi KHubi bhi to hogi chin mein japan mein

main hujum-e-gham mein marta tha na jita tha 'said'

wo nazar aae to chande jaan aai jaan mein