aql ka har sawal kaT diya

'aql kā har savāl kaaT diyā

be-ḳhudī ne vabāl kaaT diyā

machhliyāñ to phañsī huī thiiñ magar

ek kachhue ne jaal kaaT diyā

fā'ilātun ne jab nazar badlī

ham ne taaza ḳhayāl kaaT diyā

ik zarā aañkh lag ga.ī thī raat

qissa-go ne vabāl kaaT diyā

kaam mushkil thā par savere tak

maiñ ne maazī se haal kaaT diyā

ek din āñsuoñ kī turshī ne

aap kā bhī rumāl kaaT diyā

raah meñ āsmānī lashkar ko

jo milā pā.emāl kaaT diyā

'aql ka har sawal kaT diya

be-KHudi ne wabaal kaT diya

machhliyan to phansi hui thin magar

ek kachhue ne jal kaT diya

fa'ilatun ne jab nazar badli

hum ne taza KHayal kaT diya

ek zara aankh lag gai thi raat

qissa-go ne wabaal kaT diya

kaam mushkil tha par sawere tak

main ne mazi se haal kaT diya

ek din aansuon ki turshi ne

aap ka bhi rumal kaT diya

rah mein aasmani lashkar ko

jo mila paemal kaT diya