aql ke baTwe banae hain mere yaron ne

aql ke baTve banā.e haiñ mire yāroñ ne

bojh apne hī uThā.e haiñ mire yāroñ ne

maiñ kisī ġhair ke māthe se gilā kyā pochhūñ

mujh pe ilzām lagā.e haiñ mire yāroñ ne

ek tasvīr badan bāñdh ke kab thī nāchī

ḳhvāb table pe nachā.e haiñ mire yāroñ ne

tab se yāroñ meñ hai taqsīm mohabbat kī huī

jab na.e yaar banā.e haiñ mire yāroñ ne

vaqt aane pe batā.ūñgā kahānī sab ko

jo bhī kirdār nibhā.e haiñ mire yāroñ ne

aql ke baTwe banae hain mere yaron ne

bojh apne hi uThae hain mere yaron ne

main kisi ghair ke mathe se gila kya pochhun

mujh pe ilzam lagae hain mere yaron ne

ek taswir badan bandh ke kab thi nachi

KHwab table pe nachae hain mere yaron ne

tab se yaron mein hai taqsim mohabbat ki hui

jab nae yar banae hain mere yaron ne

waqt aane pe bataunga kahani sab ko

jo bhi kirdar nibhae hain mere yaron ne