aql ko aashuftagi se kya gharaz

aql ko āshuftagī se kyā ġharaz

ahl-e-dil kī dil-lagī se kyā ġharaz

phir bhī vo muhtāj-e-sāqī ho gayā

jām-e-mai ko tishnagī se kyā ġharaz

Thiik samjhā hai nizām-e-kohna ko

murda sar ko tāzgī se kyā ġharaz

mast ho jo apne jalvoñ meñ use

aap kī tābindagī se kyā ġharaz

aql ko aashuftagi se kya gharaz

ahl-e-dil ki dil-lagi se kya gharaz

phir bhi wo muhtaj-e-saqi ho gaya

jam-e-mai ko tishnagi se kya gharaz

Thik samjha hai nizam-e-kohna ko

murda sar ko tazgi se kya gharaz

mast ho jo apne jalwon mein use

aap ki tabindagi se kya gharaz