araq ko dekh munh par tere pyare

araq ko dekh muñh par tere pyāre

falak ko piiTh de baiThe haiñ taare

kabhī vo din bhī hovegā ki jis din

gale se phir mileñge ham tumhāre

chaman meñ kis ne dil ḳhālī kiyā hai

lahū se jo bhare haiñ phuul saare

nahīñ hotī mayassar vasl kī raat

chale jaate haiñ yuuñ hī din hamāre

raqīboñ ko mileñ gul aur hameñ daaġh

'hasan' kyā baḳht ulTe haiñ hamāre

araq ko dekh munh par tere pyare

falak ko piTh de baiThe hain tare

kabhi wo din bhi howega ki jis din

gale se phir milenge hum tumhaare

chaman mein kis ne dil KHali kiya hai

lahu se jo bhare hain phul sare

nahin hoti mayassar wasl ki raat

chale jate hain yun hi din hamare

raqibon ko milen gul aur hamein dagh

'hasan' kya baKHt ulTe hain hamare