arbab-e-iqtidar se mera sawal hai

arbāb-e-iqtidār se merā savāl hai

ye daur-e-irtiqā hai ki daur-e-zavāl hai

jab jab lage hai aag hamāre hī ghar jaleñ

ye baat ittifāq hai yā gahrī chaal

kaisī munāfiqoñ kī hai sāzish na pūchhiye

TuuTe na jo vo reshmī dhāgoñ kā jaal hai

aise meñ ḳhvāb āñkhoñ meñ koī sajā.e kyā

vo habs hai ki chain se sonā muhāl hai

ham to azāb-e-tishna-labī se haiñ nīm-jāñ

guzrī hai jaane kyā ki samundar niDhāl hai

hālāt-o-kaifiyāt kī tasvīr khīñchnā

'nusrat' nahīñ tirā ye suḳhan kā kamāl hai

arbab-e-iqtidar se mera sawal hai

ye daur-e-irtiqa hai ki daur-e-zawal hai

jab jab lage hai aag hamare hi ghar jalen

ye baat ittifaq hai ya gahri chaal

kaisi munafiqon ki hai sazish na puchhiye

TuTe na jo wo reshmi dhagon ka jal hai

aise mein KHwab aankhon mein koi sajae kya

wo habs hai ki chain se sona muhaal hai

hum to azab-e-tishna-labi se hain nim-jaan

guzri hai jaane kya ki samundar niDhaal hai

haalat-o-kaifiyat ki taswir khinchna

'nusrat' nahin tera ye suKHan ka kamal hai