are ye adl ye insaf al-aman un ka

are ye adl ye insāf al-amāñ un kā

ki har zamīn mirī aur har āsmāñ un kā

diloñ meñ jin ke ġham-e-ahl-e-kārvāñ na rahā

pahuñch sakegā na manzil pe kārvāñ un kā

hazār ka.aba-e-īmāñ vahīñ-vahīñ pe bane

qadam paḌā thā chaman meñ jahāñ-jahāñ un kā

asīr-e-jalva-e-manzil kī qaid kī ḳhātir

bichhegā dām-e-asīrī kahāñ kahāñ un kā

diloñ ko jiit ke shāhanshah-e-jahāñ ban jā

ki ye jahān hai terā na ye jahāñ un kā

kahāñ pe kījiye sajda ki ban ga.ī 'amjad'

jabīn-e-shauq mirī sang-e-āstāñ un kā

are ye adl ye insaf al-aman un ka

ki har zamin meri aur har aasman un ka

dilon mein jin ke gham-e-ahl-e-karwan na raha

pahunch sakega na manzil pe karwan un ka

hazar kaba-e-iman wahin-wahin pe bane

qadam paDa tha chaman mein jahan-jahan un ka

asir-e-jalwa-e-manzil ki qaid ki KHatir

bichhega dam-e-asiri kahan kahan un ka

dilon ko jit ke shahanshah-e-jahan ban ja

ki ye jahan hai tera na ye jahan un ka

kahan pe kijiye sajda ki ban gai 'amjad'

jabin-e-shauq meri sang-e-astan un ka