aañkh se dil meñ aane vaalā
dil se nahīñ ab jaane vaalā
ghar ko phūñk ke jaane vaalā
phir ke nahīñ hai aane vaalā
dost to hai nādān hai lekin
be-samjhe samjhāne vaalā
aañsū poñchh ke hañs detā hai
aag meñ aag lagāne vaalā
hai jo koī to dhyān usī kā
aane vaalā jaane vaalā
husn kī bastī meñ hai yaaro
koī taras bhī khāne vaalā
Daal rahā hai kaam meñ mushkil
mushkil meñ kaam aane vaalā
dī thī tasallī ye kis dil se
chup na huā chillāne vaalā
ḳhvāb ke parde meñ aatā hai
sotā pā ke jagāne vaalā
ik din parda ḳhud ulTegā
chhup-chhup ke tarsāne vaalā
'ārzū' in ke aage hai chup kyuuñ
tum sā bāteñ banāne vaalā
aankh se dil mein aane wala
dil se nahin ab jaane wala
ghar ko phunk ke jaane wala
phir ke nahin hai aane wala
dost to hai nadan hai lekin
be-samjhe samjhane wala
aansu ponchh ke hans deta hai
aag mein aag lagane wala
hai jo koi to dhyan usi ka
aane wala jaane wala
husn ki basti mein hai yaro
koi taras bhi khane wala
Dal raha hai kaam mein mushkil
mushkil mein kaam aane wala
di thi tasalli ye kis dil se
chup na hua chillane wala
KHwab ke parde mein aata hai
sota pa ke jagane wala
ek din parda KHud ulTega
chhup-chhup ke tarsane wala
'arzu' in ke aage hai chup kyun
tum sa baaten banane wala
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
