ari zindagi gila ab nahin jo hua tha sab wo baja hua

arī zindagī gila ab nahīñ jo huā thā sab vo bajā huā

mere pyaar kā thā jo kārvāñ vo rukā jahāñ thā luTā huā

merī aarzū thī ki ḳhushnumā ho shagufta gulistāñ har kujā

to vafā kī rasmeñ nibāh ke milā sahrā mujh ko sajā huā

merī jaan pe jo guzar ga.ī vo ḳhudā kī nek atā huī

mere āñso.oñ kī naamī se dhul ke ye gulistāñ bhī harā huā

rahe rāste baḌe jāñ-sitāñ huā pur-ḳhatar yuuñ merā safar

ye bhī hausla thā jafā kā jo bhī milā mujhe vo judā huā

mere māthe kī to shikan pe ik baqā be-rahm thā likhā huā

likhā haath kī jo lakīr pe thā vo jab milā to judā huā

are dosto merā dil 'sabā' jo nikāl kar kabhī dekhnā

ye jo tiir hai merī zindagī kā yuuñ kab se mujh meñ chubhā huā

ari zindagi gila ab nahin jo hua tha sab wo baja hua

mere pyar ka tha jo karwan wo ruka jahan tha luTa hua

meri aarzu thi ki KHushnuma ho shagufta gulistan har kuja

to wafa ki rasmen nibah ke mila sahra mujh ko saja hua

meri jaan pe jo guzar gai wo KHuda ki nek ata hui

mere aansoon ki nami se dhul ke ye gulistan bhi hara hua

rahe raste baDe jaan-sitan hua pur-KHatar yun mera safar

ye bhi hausla tha jafa ka jo bhi mila mujhe wo juda hua

mere mathe ki to shikan pe ek baqa be-rahm tha likha hua

likha hath ki jo lakir pe tha wo jab mila to juda hua

are dosto mera dil 'saba' jo nikal kar kabhi dekhna

ye jo tir hai meri zindagi ka yun kab se mujh mein chubha hua