arsh se ruKH jaanib-e-duniya-e-dun karna paDa

arsh se ruḳh jānib-e-duniyā-e-dūñ karnā paḌā

bandagī meñ kyā se kyā ye sar nigūñ karnā paḌā

minnat-e-sāhil bhī sar le lī bhañvar meñ Dolte

haañ ye hiila bhī hameñ bahr-e-sukūñ karnā paḌā

sāmne us yaar ke bhī aur sar-e-darbār bhī

ek ye dil thā jise har baar ḳhuuñ karnā paḌā

ham ki the ahl-e-safā ye raaz kis par kholte

qāfile kā saath āḳhir tark kyuuñ karnā paḌā

ḳham na ho paayā to sar ham ne qalam karvā liyā

vuuñ na kuchh 'mājid' huā ham se to yuuñ karnā paḌā

arsh se ruKH jaanib-e-duniya-e-dun karna paDa

bandagi mein kya se kya ye sar nigun karna paDa

minnat-e-sahil bhi sar le li bhanwar mein Dolte

han ye hila bhi hamein bahr-e-sukun karna paDa

samne us yar ke bhi aur sar-e-darbar bhi

ek ye dil tha jise har bar KHun karna paDa

hum ki the ahl-e-safa ye raaz kis par kholte

qafile ka sath aaKHir tark kyun karna paDa

KHam na ho paya to sar hum ne qalam karwa liya

wun na kuchh 'majid' hua hum se to yun karna paDa