arz-e-muddaa karte kyun nahin kiya humne

arz-e-mudda.ā karte kyuuñ nahīñ kiyā ham ne

ḳhvāhishoñ ko hasrat meñ ḳhud badal diyā ham ne

nit na.ī umīdoñ ke Taañk Taañk kar paivand

zindagī ke dāman ko umr-bhar siyā ham ne

ranj-o-ġham uThā.e haiñ fikr-o-fan bhī paa.e haiñ

zindagī ko jitnā bhī jī sake jiyā ham ne

sub.h kā nayā sūraj kuchh to raushnī legā

shaam se jalāyā hai aas kā diyā ham ne

dāġh-e-dil kī zardārī muft haath kab aa.ī

ḳhaak ho ke paayā hai rāz-e-kīmiyā ham ne

arz-e-muddaa karte kyun nahin kiya hum ne

KHwahishon ko hasrat mein KHud badal diya hum ne

nit nai umidon ke Tank Tank kar paiwand

zindagi ke daman ko umr-bhar siya hum ne

ranj-o-gham uThae hain fikr-o-fan bhi pae hain

zindagi ko jitna bhi ji sake jiya hum ne

subh ka naya suraj kuchh to raushni lega

sham se jalaya hai aas ka diya hum ne

dagh-e-dil ki zardari muft hath kab aai

KHak ho ke paya hai raaz-e-kimiya hum ne