asar na ho to usi nutq-e-be-asar se kah

asar na ho to usī nutq-e-be-asar se kah

chhupā na dard-e-mohabbat jahān bhar se kah

jo kah chukā hai to andāz-e-tāza-tar se kah

ḳhabar kī baat hai ik gosh-e-be-ḳhabar se kah

chaman chaman se ukhaḌ kar rahegā pā-e-ḳhizāñ

ravish ravish ko jatā de shajar shajar se kah

bayān-e-shauq nahīñ qīl-o-qāl kā mohtāj

kabhī fuġhāñ meñ adā kar kabhī nazar se kah

vazīr o miir ke kyā gosh-e-be-asar se ḳhitāb

murād dil kī gadāyān-e-rahguzar se kah

shabāb-e-tishna kī ḳhūñ-bār noshiyoñ ko na bhuul

mire fasāna-e-rangīñ ko peshtar se kah

safar se shart-e-hayāt aur jihat hai shart-e-safar

pukār kar ye rafīqān-e-ham-safar se kah

asar na ho to usi nutq-e-be-asar se kah

chhupa na dard-e-mohabbat jahan bhar se kah

jo kah chuka hai to andaz-e-taza-tar se kah

KHabar ki baat hai ek gosh-e-be-KHabar se kah

chaman chaman se ukhaD kar rahega pa-e-KHizan

rawish rawish ko jata de shajar shajar se kah

bayan-e-shauq nahin qil-o-qal ka mohtaj

kabhi fughan mein ada kar kabhi nazar se kah

wazir o mir ke kya gosh-e-be-asar se KHitab

murad dil ki gadayan-e-rahguzar se kah

shabab-e-tishna ki KHun-bar noshiyon ko na bhul

mere fasana-e-rangin ko peshtar se kah

safar se shart-e-hayat aur jihat hai shart-e-safar

pukar kar ye rafiqan-e-ham-safar se kah