asar zulf ka barmala ho gaya
asar zulf kā barmalā ho gayā
balāoñ se mil kar balā ho gayā
junūñ le ke hamrāh aa.ī bahār
na.e sir se phir valvalā ho gayā
diyā ġhair ne bhī dil āḳhir use
mujhe dekh kar man-chalā ho gayā
samā.ī dil-e-tañg kī dekhiye
ki aalam meñ sābit ḳhalā ho gayā
ta.allī zamīñ se jo nāloñ ne kī
falak par ayaañ zalzala ho gayā
huā qatl be-jurm maiñ jā ke 'barq'
vo kūcha mujhe karbalā ho gayā
asar zulf ka barmala ho gaya
balaon se mil kar bala ho gaya
junun le ke hamrah aai bahaar
nae sir se phir walwala ho gaya
diya ghair ne bhi dil aaKHir use
mujhe dekh kar man-chala ho gaya
samai dil-e-tang ki dekhiye
ki aalam mein sabit KHala ho gaya
talli zamin se jo nalon ne ki
falak par ayan zalzala ho gaya
hua qatl be-jurm main ja ke 'barq'
wo kucha mujhe karbala ho gaya
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
