asbab-e-zindagi ki har ek chiz hai garan

asbāb-e-zindagī kī har ik chiiz hai garāñ

bas ek zindagī hai ki arzāñ hai āj-kal

mashshātgī-e-falsafa-e-maġhribī na pūchh

zulf-e-ḳhayāl aur pareshāñ hai āj-kal

sar-rishta-e-ḳhayāl huā jā rahā hai gum

kuchh aisī uljhanoñ meñ musalmāñ hai āj-kal

qudrat kī rahbarī ke tarīqe ajiib haiñ

ya.anī libās-e-kufr meñ īmāñ hai āj-kal

be-zahmat-e-shikār hī khā.egā kyā unheñ

kyuuñ gurg bakriyoñ kā nigahbāñ hai āj-kal

rānā.ī-e-ḳhayāl kī gul-kāriyāñ ga.iiñ

bas ham haiñ aur ḳhvāb-e-pareshāñ hai āj-kal

mālūm ho rahā hai ki manzil qarīb hai

kuchh tez-rau sī umr-e-gurezāñ hai āj-kal

asbab-e-zindagi ki har ek chiz hai garan

bas ek zindagi hai ki arzan hai aaj-kal

mashshatgi-e-falsafa-e-maghribi na puchh

zulf-e-KHayal aur pareshan hai aaj-kal

sar-rishta-e-KHayal hua ja raha hai gum

kuchh aisi uljhanon mein musalman hai aaj-kal

qudrat ki rahbari ke tariqe ajib hain

yani libas-e-kufr mein iman hai aaj-kal

be-zahmat-e-shikar hi khaega kya unhen

kyun gurg bakriyon ka nigahban hai aaj-kal

ranai-e-KHayal ki gul-kariyan gain

bas hum hain aur KHwab-e-pareshan hai aaj-kal

malum ho raha hai ki manzil qarib hai

kuchh tez-rau si umr-e-gurezan hai aaj-kal