ashaar mein jo mere kiran justuju ki hai

ash.ār meñ jo mere kiran justujū kī hai

mīrās ye bhī tere hī mohar-e-numū kī hai

nazroñ meñ ab bhī haiñ tire lahje ke māh-o-najm

ab bhī samā.atoñ meñ chamak guftugū kī hai

terī pukār hai ki ye būñdeñ haiñ os kī

āvāz-e-naġhma hai ki sadā āb-jū kī hai

dīvār-e-zabt TuuT bhī saktī hai kuchh karūñ

favvāra chhūT jaa.e vo hālat lahū kī hai

yuuñ phuul to baraste na the kū-e-yār meñ

ye ham guzarte haiñ ki savārī adū kī hai

pyāsoñ ko intiḳhāb kī jur.at na koī haq

kyā pūchhiye huzūr ye kis ke subū kī hai

'arshad' vo sāmne hī to hai shāḳh-e-dastaras

duurī bas ek jast-e-buland-ārzū kī hai

ashaar mein jo mere kiran justuju ki hai

miras ye bhi tere hi mohar-e-numu ki hai

nazron mein ab bhi hain tere lahje ke mah-o-najm

ab bhi samaaton mein chamak guftugu ki hai

teri pukar hai ki ye bunden hain os ki

aawaz-e-naghma hai ki sada aab-ju ki hai

diwar-e-zabt TuT bhi sakti hai kuchh karun

fawwara chhuT jae wo haalat lahu ki hai

yun phul to baraste na the ku-e-yar mein

ye hum guzarte hain ki sawari adu ki hai

pyason ko intiKHab ki jurat na koi haq

kya puchhiye huzur ye kis ke subu ki hai

'arshad' wo samne hi to hai shaKH-e-dastaras

duri bas ek jast-e-buland-arzu ki hai