ashk aankhon se piya bhi na bahaya humne

ashk āñkhoñ se piyā bhī na bahāyā ham ne

aag ko dil meñ kuchh is tarah chhupāyā ham ne

vo kabhī apne hue aur na vo ġhair hue

un ko khoyā bhī nahīñ aur na paayā ham ne

dil to pahle hī se zaḳhmī hai dukhī aur na kar

ai zamāne tirā har baar uThāyā ham ne

ham se milte haiñ vahī dushman-e-jānī kī tarah

jis kisī ko bhī yahāñ apnā banāyā ham ne

sar jhukā.e rahe is vāste har ik lamha

ai ḳhudā tujh ko har ik zarre meñ paayā ham ne

hādisa kyā thā 'kiran' kuchh na samajh meñ aayā

umr bhar kis ke liye ḳhud ko gañvāyā ham ne

ashk aankhon se piya bhi na bahaya hum ne

aag ko dil mein kuchh is tarah chhupaya hum ne

wo kabhi apne hue aur na wo ghair hue

un ko khoya bhi nahin aur na paya hum ne

dil to pahle hi se zaKHmi hai dukhi aur na kar

ai zamane tera har bar uThaya hum ne

hum se milte hain wahi dushman-e-jaani ki tarah

jis kisi ko bhi yahan apna banaya hum ne

sar jhukae rahe is waste har ek lamha

ai KHuda tujh ko har ek zarre mein paya hum ne

hadisa kya tha 'kiran' kuchh na samajh mein aaya

umr bhar kis ke liye KHud ko ganwaya hum ne