اشک آیا آنکھ میں جلتا ہوا
اشک آیا آنکھ میں جلتا ہوا
آج سوز غم کا اندازہ ہوا
زندگی گزری امید و یاس میں
دل کبھی گلشن کبھی صحرا ہوا
ذکر زلف یار رہنے دو ابھی
مسئلہ ہے زیست کا الجھا ہوا
بن گیا دامن میں وہ آنسو گہر
جو نہ میری آنکھ کا تارا ہوا
بارہا رک رک گئی نبض جہاں
حسن کا جادو ہے کیا چلتا ہوا
گردشوں سے کیا مجھے دے گا نجات
جام خود گردش میں ہے آیا ہوا
دل وہ کیا جو غم سے ہو نا آشنا
غم وہ کیا جس کا کہ اندازہ ہوا
ہم پریشاں حال فاضلؔ سے ملے
ہے طبیعت کا بہت سلجھا ہوا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
