ashk baam-e-chashm par aane laga

ashk bām-e-chashm par aane lagā

rāz-e-ulfat bas ki khul jaane lagā

kījiye kyā us but-e-kāfir kā jo

dil meñ rah kar dil ko taḌpāne lagā

kyā kaheñ kitnī umīdeñ bañdh ga.iiñ

zulf ke ḳham jab vo suljhāne lagā

us but-e-nau-ḳhez kī nairangiyāñ

aa.ina bhī jis se sharmāne lagā

zulf jo suljhā na saktā thā kabhī

gutthiyāñ qismat kī suljhāne lagā

hashr meñ bhī us kī shoḳhī dekhiye

mujh ko aatā dekh kar jaane lagā

'sā'dī' ho kaise shab-e-ġham kī sahar

dil ko maiñ dil mujh ko samjhāne lagā

ashk baam-e-chashm par aane laga

raaz-e-ulfat bas ki khul jaane laga

kijiye kya us but-e-kafir ka jo

dil mein rah kar dil ko taDpane laga

kya kahen kitni umiden bandh gain

zulf ke KHam jab wo suljhane laga

us but-e-nau-KHez ki nairangiyan

aaina bhi jis se sharmane laga

zulf jo suljha na sakta tha kabhi

gutthiyan qismat ki suljhane laga

hashr mein bhi us ki shoKHi dekhiye

mujh ko aata dekh kar jaane laga

'sa'di' ho kaise shab-e-gham ki sahar

dil ko main dil mujh ko samjhane laga