اشک بہا لے آہیں بھر لے
اشک بہا لے آہیں بھر لے
دل کے بوجھ کو ہلکا کر لے
میں نے تجھ سے پیار کیا ہے
جو بھی تجھے کرنا ہو کر لے
اب وہ مجھ کو بھول گیا ہے
ایسی بات کا کون اثر لے
خوش کامی نایاب ہوئی ہے
ناکامی سے جھولی بھر لے
غم خواروں سے گھبراتا ہے
ایسے دل کی کون خبر لے
کل تو ماٹی ہو جائے گا
جتنا چاہے آج سنور لے
سب ساتھی سیراب ہوئے ہیں
اب تو بھی پیمانہ بھر لے
تجھ کو بھی یہ حق ہے سرورؔ
چاہے جی لے چاہے مر لے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
