ashk chashm-e-but-e-be-jaan se nikal sakta hai

ashk chashm-e-but-e-be-jāñ se nikal saktā hai

āh-e-pur-soz se patthar bhī pighal saktā hai

apne andāz-e-takallum ko badal de varna

merā lahja bhī tire saath badal saktā hai

log kahte the ki phaltā nahīñ nafrat kā shajar

ham ko lagtā hai ki is daur meñ phal saktā hai

mere siine meñ mohabbat kī tapish baaqī hai

merī sāñsoñ se tirā husn pighal saktā hai

chāñd kī chaah meñ uḌte hue panchhī kī tarah

dil bhī nādāñ hai kisī shai pe machal saktā hai

jazba-e-ishq se raushan hai mirā dil 'nāzim'

ye diyā tez havāoñ meñ bhī jal saktā hai

ashk chashm-e-but-e-be-jaan se nikal sakta hai

aah-e-pur-soz se patthar bhi pighal sakta hai

apne andaz-e-takallum ko badal de warna

mera lahja bhi tere sath badal sakta hai

log kahte the ki phalta nahin nafrat ka shajar

hum ko lagta hai ki is daur mein phal sakta hai

mere sine mein mohabbat ki tapish baqi hai

meri sanson se tera husn pighal sakta hai

chand ki chah mein uDte hue panchhi ki tarah

dil bhi nadan hai kisi shai pe machal sakta hai

jazba-e-ishq se raushan hai mera dil 'nazim'

ye diya tez hawaon mein bhi jal sakta hai