ashk-e-KHuni ko mila hai tere andaz ka rang

ashk-e-ḳhūnī ko milā hai tire andāz kā rang

phailā aariz pe tire dil meñ nihāñ raaz kā rang

chashm-e-giryāñ ko milī ruḳh kī gulābī tere

chhiḌke naale kī dabīzī terī āvāz kā rang

phuñktā hai suur sā jo bazm-e-tarab meñ dil kī

DhūñDe hai taar har ik saaz tire naaz kā rang

DhūñDe har lafz vahī chhab jo tire saath gayā

vo masīhā.ī tirī vo tire e.ajāz kā rang

husn-o-mastī jo jhalaktī thī adā se us kī

ab to mai se hī faqat chaḌhtā hai dam-sāz kā rang

ashk-e-KHuni ko mila hai tere andaz ka rang

phaila aariz pe tere dil mein nihan raaz ka rang

chashm-e-giryan ko mili ruKH ki gulabi tere

chhiDke nale ki dabizi teri aawaz ka rang

phunkta hai sur sa jo bazm-e-tarab mein dil ki

DhunDe hai tar har ek saz tere naz ka rang

DhunDe har lafz wahi chhab jo tere sath gaya

wo masihai teri wo tere eajaz ka rang

husn-o-masti jo jhalakti thi ada se us ki

ab to mai se hi faqat chaDhta hai dam-saz ka rang