ashk ki aisi farawani pe rashk aata hai
ashk kī aisī farāvānī pe rashk aatā hai
chashm-e-nam terī pareshānī pe rashk aatā hai
jab kisī ālam-e-hairat kī ḳhabar lagtī hai
rashk aatā hai jahāñ-bānī pe rashk aatā hai
tābish-e-māh bhī kuchh kam to nahīñ hai lekin
yaar ke chehra-e-nūrānī pe rashk aatā hai
auj-e-aflāk pe tanhā.ī ko le aayā thā
is liye kūcha-e-vīrānī pe rashk aatā hai
husn-e-ahmad kā hī atiya hai ye husn-e-duniyā
husn kī itnī farāvānī pe rashk aatā hai
ashk ki aisi farawani pe rashk aata hai
chashm-e-nam teri pareshani pe rashk aata hai
jab kisi aalam-e-hairat ki KHabar lagti hai
rashk aata hai jahan-bani pe rashk aata hai
tabish-e-mah bhi kuchh kam to nahin hai lekin
yar ke chehra-e-nurani pe rashk aata hai
auj-e-aflak pe tanhai ko le aaya tha
is liye kucha-e-virani pe rashk aata hai
husn-e-ahmad ka hi atiya hai ye husn-e-duniya
husn ki itni farawani pe rashk aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
