ashk ko aankh ki dahliz pe laya na karo

ashk ko aañkh kī dahlīz pe laayā na karo

dil ke hālāt zamāne ko batāyā na karo

apnī āñkhoñ meñ hasīñ ḳhvāb sajāyā na karo

pyaar kā tāj-mahal dil ko banāyā na karo

ḳhusbū-e-ishq bhī hai itr kī ḳhushbū jaisī

saḳht dushvār hai ai yaar chhupāyā na karo

ḳhud hī sāñpoñ ko bulā lete ho apne ghar meñ

peḌ chandan ke tum āñgan meñ lagāyā na karo

rab to hai shāfī-e-mutlaq hai shifā-baḳhsh vahī

sar dar-e-ġhair pe tum apnā jhukāyā na karo

ḳhvāb ke jitne gharauñde haiñ bikhar jā.eñge

apnī palkoñ pe ka.ī ḳhvāb sajāyā na karo

sañg-dil jo bhī haiñ un ko na basāo dil meñ

shīsh-mahloñ meñ kabhī sañg lagāyā na karo

būñdā-bāndī bhī muqaddar meñ nahīñ hai 'zaryāb'

apne āñgan meñ na.e peḌ lagāyā na karo

ashk ko aankh ki dahliz pe laya na karo

dil ke haalat zamane ko bataya na karo

apni aankhon mein hasin KHwab sajaya na karo

pyar ka taj-mahal dil ko banaya na karo

KHusbu-e-ishq bhi hai itr ki KHushbu jaisi

saKHt dushwar hai ai yar chhupaya na karo

KHud hi sanpon ko bula lete ho apne ghar mein

peD chandan ke tum aangan mein lagaya na karo

rab to hai shafi-e-mutlaq hai shifa-baKHsh wahi

sar dar-e-ghair pe tum apna jhukaya na karo

KHwab ke jitne gharaunde hain bikhar jaenge

apni palkon pe kai KHwab sajaya na karo

sang-dil jo bhi hain un ko na basao dil mein

shish-mahlon mein kabhi sang lagaya na karo

bunda-bandi bhi muqaddar mein nahin hai 'zaryab'

apne aangan mein nae peD lagaya na karo