ashk ko raegan samajhte ho

ashk ko rā.egāñ samajhte ho

tum mirā dukh kahāñ samajhte ho

sach batāo phir apne baare meñ

gar mujhe rāz-dāñ samajhte ho

shab-gazīda huuñ dil-shikasta nahīñ

aag huuñ maiñ dhuāñ samajhte ho

sunte rahte ho kyoñ tavajjoh se

kyā mirī dāstāñ samajhte ho

kyā samajhte ho tum agar tum bhī

ishq ko imtihāñ samajhte ho

ghuum kar dekhte ho duniyā ko

rāz-e-kaun-o-makāñ samajhte ho

maiñ 'fidā' huuñ tumhārī āñkhoñ par

aur tum nīm-jāñ samajhte ho

ashk ko raegan samajhte ho

tum mera dukh kahan samajhte ho

sach batao phir apne bare mein

gar mujhe raaz-dan samajhte ho

shab-gazida hun dil-shikasta nahin

aag hun main dhuan samajhte ho

sunte rahte ho kyon tawajjoh se

kya meri dastan samajhte ho

kya samajhte ho tum agar tum bhi

ishq ko imtihan samajhte ho

ghum kar dekhte ho duniya ko

raaz-e-kaun-o-makan samajhte ho

main 'fida' hun tumhaari aankhon par

aur tum nim-jaan samajhte ho