ashk mere gauhar-e-nayab ho gae

ashk mere gauhar-e-nāyāb ho ga.e

hasratoñ ke sab bhañvar ġharqāb ho ga.e

kal ḳhulūsoñ ke chaman mahkā kiye jahāñ

gum kahāñ vo pyaar ke ādāb ho ga.e

phir ḳhayāloñ se tire aisā asar huā

sab nazāre dard ke shādāb ho ga.e

dushmanoñ se dostī karnā ḳhatā huī

yak-ba-yak nālāñ sabhī ahbāb ho ga.e

hausle le kar ilāj-e-tīragī kiye

vo sabhī jugnū kahāñ kamyāb ho ga.e

tum nahīñ to gulsitāñ ko khā ga.ī ḳhizāñ

zaḳhm khulne ke liye asbāb ho ga.e

bas ḳhatā 'zākir' hamārī itnī sī rahī

ham vafā kī raah meñ nāyāb ho ga.e

ashk mere gauhar-e-nayab ho gae

hasraton ke sab bhanwar gharqab ho gae

kal KHuluson ke chaman mahka kiye jahan

gum kahan wo pyar ke aadab ho gae

phir KHayalon se tere aisa asar hua

sab nazare dard ke shadab ho gae

dushmanon se dosti karna KHata hui

yak-ba-yak nalan sabhi ahbab ho gae

hausle le kar ilaj-e-tiragi kiye

wo sabhi jugnu kahan kamyab ho gae

tum nahin to gulsitan ko kha gai KHizan

zaKHm khulne ke liye asbab ho gae

bas KHata 'zakir' hamari itni si rahi

hum wafa ki rah mein nayab ho gae