ashk palkon pe jo aaen to chhupae na bane

ashk palkoñ pe jo aa.eñ to chhupā.e na bane

TuuT kar bikhreñ ye motī to uThā.e na bane

qahr hai apne liye soz-e-darūñ kā aalam

dekhnā gar koī chāhe to dikhā.e na bane

kis tarah haath uThā.ūñ maiñ duā kī ḳhātir

haath ik pal bhī to siine se haTā.e na bane

qissa-e-hasrat-e-dil ham se bayāñ kyā hogā

be-ruḳhī un kī hai aisī ki batā.e na bane

zulm ko zulm samajhtā hai kahāñ vo zālim

hāl-e-dil apnā sitamgar ko sunā.e na bane

kaun sī baat thī kyā tarz-e-adā thī 'anjum'

naqsh aisā huā dil par ki miTā.e na bane

ashk palkon pe jo aaen to chhupae na bane

TuT kar bikhren ye moti to uThae na bane

qahr hai apne liye soz-e-darun ka aalam

dekhna gar koi chahe to dikhae na bane

kis tarah hath uThaun main dua ki KHatir

hath ek pal bhi to sine se haTae na bane

qissa-e-hasrat-e-dil hum se bayan kya hoga

be-ruKHi un ki hai aisi ki batae na bane

zulm ko zulm samajhta hai kahan wo zalim

haal-e-dil apna sitamgar ko sunae na bane

kaun si baat thi kya tarz-e-ada thi 'anjum'

naqsh aisa hua dil par ki miTae na bane