ashk pina paDa gham chhupana paDa

ashk piinā paḌā ġham chhupānā paḌā

tum se mil kar hameñ muskurānā paḌā

ho ke nādim vo milne ko jab aa ga.e

saarā shikva gila bhuul jaanā paḌā

aa ke dahlīz par mujh se ḳhuddār kī

māl-o-zar ko tire sar jhukānā paḌā

jhuk ga.e sar sabhī ke to āḳhir mujhe

pesh-e-teġh-e-sitam sar uThānā paḌā

khel dil kā bhī 'zaḳhmī' ajab khel hai

jiit kar bhī mujhe haar jaanā paḌā

ashk pina paDa gham chhupana paDa

tum se mil kar hamein muskurana paDa

ho ke nadim wo milne ko jab aa gae

sara shikwa gila bhul jaana paDa

aa ke dahliz par mujh se KHuddar ki

mal-o-zar ko tere sar jhukana paDa

jhuk gae sar sabhi ke to aaKHir mujhe

pesh-e-tegh-e-sitam sar uThana paDa

khel dil ka bhi 'zaKHmi' ajab khel hai

jit kar bhi mujhe haar jaana paDa