ashkon ka meri aankh se paigham na aae
ashkon ka meri aankh se paigham na aae
Harbans Lal Aneja 'jamaal'
MORE BYHarbans Lal Aneja 'jamaal'
ashkoñ kā mirī aañkh se paiġhām na aa.e
ilzām ye ai dost tere naam na aa.e
kyā kījiye darmān-e-marīz-e-ġham-e-ulfat
jab koī davā aur duā kaam na aa.e
phir majma-e-aġhyār tah-e-bām khaḌā hai
us shoḳh se kah do ki lab-e-bām na aa.e
afsāna mirā zeb-e-lab-e-bulbul-o-gul hai
Dartā huuñ kahīñ aap pe ilzām na aa.e
kyā dard ke māroñ pe vo karte haiñ ināyat
aisā hai to ai dil mujhe ārām na aa.e
ai sāqi-e-mai-ḳhāna tire daur meñ ye kyā
tarsā kareñ ham aur koī jaam na aa.e
ik baar utar jaa.e jo saaqī kī nazar se
tā-umr 'jamāl' us kī taraf jaam na aa.e
ashkon ka meri aankh se paigham na aae
ilzam ye ai dost tere nam na aae
kya kijiye darman-e-mariz-e-gham-e-ulfat
jab koi dawa aur dua kaam na aae
phir majma-e-aghyar tah-e-baam khaDa hai
us shoKH se kah do ki lab-e-baam na aae
afsana mera zeb-e-lab-e-bulbul-o-gul hai
Darta hun kahin aap pe ilzam na aae
kya dard ke maron pe wo karte hain inayat
aisa hai to ai dil mujhe aaram na aae
ai saqi-e-mai-KHana tere daur mein ye kya
tarsa karen hum aur koi jam na aae
ek bar utar jae jo saqi ki nazar se
ta-umr 'jamal' us ki taraf jam na aae
- Book : SAAZ-O-NAVA (Pg. 114)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
