ashkon se dil ki aag bujhaenge aap bhi

ashkoñ se dil kī aag bujhā.eñge aap bhī

kar kar ke yaad mujh ko bhulā.eñge aap bhī

phir shauq-e-intizār kī taskīñ ke vāste

chaukhaT pe ik diyā to jalā.eñge aap bhī

āye.gā zikr jab mirā mahfil meñ vaqt-e-shām

aahoñ ko qahqahoñ meñ dabā.eñge aap bhī

TūTeñge ā.inoñ kī tarah pal meñ ek shab

palkoñ pe jitne ḳhvāb sajā.eñge aap bhī

aa.egī yaad chāñd se chehre kī jab chamak

qisse to raushnī ke sunā.eñge aap bhī

husn-e-tasavvurāt meñ likkheñge ek ḳhat

likkheñge phaaḌ deñge jalā.eñge aap bhī

jā.eñge roz-e-vasl ke lamhāt kī jagah

ḳhushbū-e-lams-e-yār churāeñge aap bhī

utregā saare shahr ke chehroñ pe merā aks

kitnoñ ko jaan kah ke bulā.eñge aap bhī

ashkon se dil ki aag bujhaenge aap bhi

kar kar ke yaad mujh ko bhulaenge aap bhi

phir shauq-e-intizar ki taskin ke waste

chaukhaT pe ek diya to jalaenge aap bhi

aayega zikr jab mera mahfil mein waqt-e-sham

aahon ko qahqahon mein dabaenge aap bhi

TuTenge aainon ki tarah pal mein ek shab

palkon pe jitne KHwab sajaenge aap bhi

aaegi yaad chand se chehre ki jab chamak

qisse to raushni ke sunaenge aap bhi

husn-e-tasawwuraat mein likkhenge ek KHat

likkhenge phaD denge jalaenge aap bhi

jaenge roz-e-wasl ke lamhat ki jagah

KHushbu-e-lams-e-yar churaenge aap bhi

utrega sare shahr ke chehron pe mera aks

kitnon ko jaan kah ke bulaenge aap bhi