asir-e-wada-e-be-etibar baiThe hain

asīr-e-vāda-e-be-etibār baiThe haiñ

jahāñ pe chhoḌ ga.ī thī bahār baiThe haiñ

nasīm-e-sub.h-e-bahārī idhar na aa ki idhar

fareb-ḳhurda-e-fasl-e-bahār baiThe haiñ

bagūle raqs meñ phir aa ga.e haiñ aur ham log

abhī to jhaaḌ ke gard-o-ġhubār baiThe haiñ

hai lab pe aah falak par nigāh tañg zamīñ

vatan-nasīb ġharīb-ud-dayār baiThe haiñ

kabhī to haath pahuñch jā.egā garebāñ tak

kabhī to aa.egī fasl-e-bahār baiThe haiñ

haiñ un ke haath shahīdoñ ke ḳhuuñ se tar 'nashtar'

vahī jo sūrat-e-parvardigār baiThe haiñ

asir-e-wada-e-be-etibar baiThe hain

jahan pe chhoD gai thi bahaar baiThe hain

nasim-e-subh-e-bahaari idhar na aa ki idhar

fareb-KHurda-e-fasl-e-bahaar baiThe hain

bagule raqs mein phir aa gae hain aur hum log

abhi to jhaD ke gard-o-ghubar baiThe hain

hai lab pe aah falak par nigah tang zamin

watan-nasib gharib-ud-dayar baiThe hain

kabhi to hath pahunch jaega gareban tak

kabhi to aaegi fasl-e-bahaar baiThe hain

hain un ke hath shahidon ke KHun se tar 'nashtar'

wahi jo surat-e-parwardigar baiThe hain