asiri be-maza lagti hai bin-sayyaad kya kije
asīrī be-maza lagtī hai bin-sayyād kyā kiije
qafas ke kunj meñ tanhā abas fariyād kyā kiije
mirī tamkīñ ga.ī misl-e-jaras barbād kyā kiije
ki maiñ to chup huuñ par kartā hai dil fariyād kyā kiije
asar kartā nahīñ bin sajda-e-taslīm ke naala
ham is misra.a pe ġhair-az-halqa-e-qad saad kyā kiije
kanār-e-be-sutūñ meñ kyuuñ diyā naqsh apne dilbar kā
tabhī farhād duniyā se gayā nāshād kyā kiije
paTaktā sar jo sañg-e-sūrat-e-shīrīñ se behtar thā
abas teshe ke sar ḳhuuñ de gayā farhād kyā kiije
asiri be-maza lagti hai bin-sayyaad kya kije
qafas ke kunj mein tanha abas fariyaad kya kije
meri tamkin gai misl-e-jaras barbaad kya kije
ki main to chup hun par karta hai dil fariyaad kya kije
asar karta nahin bin sajda-e-taslim ke nala
hum is misra pe ghair-az-halqa-e-qad sad kya kije
kanar-e-be-sutun mein kyun diya naqsh apne dilbar ka
tabhi farhad duniya se gaya nashad kya kije
paTakta sar jo sang-e-surat-e-shirin se behtar tha
abas teshe ke sar KHun de gaya farhad kya kije
- Deewan-e-uzlat(Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
