asiri mein tabahi raunaq-e-kashana ho jae

asīrī meñ tabāhī raunaq-e-kāshāna ho jaa.e

qafas hī nāloñ se jal kar charāġh-e-ḳhāna ho jaa.e

taġhāful sāzgār-e-shauq-e-ahl-e-dard kyā hogā

adā se do fareb aisā ki dil dīvāna ho jaa.e

na kahnā ġhair se qāsid ki maiñ matlab nahīñ samjhā

payām-e-yār hai hai ma.anī-e-begāna ho jaa.e

nahīñ kyuuñ hazrat-e-mūsā kī betābī ke ham-pairav

ki rāz-e-dil zabāñ par aa.e aur afsāna ho jaa.e

kahāñ tak zabt-e-be-tābī dil-e-miskīñ mujhe Dar hai

tirī ḳhū-e-tahammul se vo be-parvā na ho jaa.e

fuġhāñ karte hue jā pahuñcho us kī bazm-e-ishrat meñ

kabhī to ai 'zakī' ye shoḳhī-e-rindāna ho jaa.e

asiri mein tabahi raunaq-e-kashana ho jae

qafas hi nalon se jal kar charagh-e-KHana ho jae

taghaful sazgar-e-shauq-e-ahl-e-dard kya hoga

ada se do fareb aisa ki dil diwana ho jae

na kahna ghair se qasid ki main matlab nahin samjha

payam-e-yar hai hai mani-e-begana ho jae

nahin kyun hazrat-e-musa ki betabi ke ham-pairaw

ki raaz-e-dil zaban par aae aur afsana ho jae

kahan tak zabt-e-be-tabi dil-e-miskin mujhe Dar hai

teri KHu-e-tahammul se wo be-parwa na ho jae

fughan karte hue ja pahuncho us ki bazm-e-ishrat mein

kabhi to ai 'zaki' ye shoKHi-e-rindana ho jae