asiron ka ajab kuchh haal ye sayyaad karte hain

asīroñ kā ajab kuchh haal ye sayyād karte haiñ

kabhī dil shaad karte haiñ kabhī nāshād karte haiñ

jinheñ dil meñ basāyā thā jinheñ ham yaad karte haiñ

hamāre dil kī duniyā ko vahī barbād karte haiñ

hamārī yaad to dil se bhulā rakkhī thī muddat se

na jaane kis liye ham ko vo phir se yaad karte haiñ

sitam bhī hai karam un kā samajh kar kuchh yahī dil meñ

jahān-e-ishq ko ham shauq se ābād karte haiñ

hamāre qasr-e-dil ko Dhā rahe ho kuchh ḳhabar bhī hai

use barbād karte ho jise ābād karte haiñ

zamīn-o-āsmāñ rote haiñ lekin vo nahīñ rote

taḌap kar shiddat-e-ġham se jo ham fariyād karte haiñ

qamar be-nūr hotā hai sitāre maañd paḌte haiñ

ruḳh-e-raushan ko us ke ham jo 'nāzī' yaad karte haiñ

asiron ka ajab kuchh haal ye sayyaad karte hain

kabhi dil shad karte hain kabhi nashad karte hain

jinhen dil mein basaya tha jinhen hum yaad karte hain

hamare dil ki duniya ko wahi barbaad karte hain

hamari yaad to dil se bhula rakkhi thi muddat se

na jaane kis liye hum ko wo phir se yaad karte hain

sitam bhi hai karam un ka samajh kar kuchh yahi dil mein

jahan-e-ishq ko hum shauq se aabaad karte hain

hamare qasr-e-dil ko Dha rahe ho kuchh KHabar bhi hai

use barbaad karte ho jise aabaad karte hain

zamin-o-asman rote hain lekin wo nahin rote

taDap kar shiddat-e-gham se jo hum fariyaad karte hain

qamar be-nur hota hai sitare mand paDte hain

ruKH-e-raushan ko us ke hum jo 'nazi' yaad karte hain